www.ribar.com.mk

И помина и продолжениот викенд. Доста луѓе во Охрид, па така успеавме да се видиме неколку луѓе од форумот во Неделата (01 август) вечер, направивме една седенка јас, Филип, Сашо, Роберт од Проспорт и домаќинот Лепи. Испивме некое кафе, пиво, промуабетивме, се запознавме кој не се знаевме и секако се расприкажавме за риби, воблери, тактики, кој кај бил, ќе правиме ли некој заеднички риболов и сл.

Сашо и Роберт се пофалија добро поминале дента сабајлето на Дебарско и вистина добро поминале, гледаме по сликите од репортажата.

Јас и Филип дадовме предлог наредниот ден да се тркне до Глобочица, ама кој со обврски, кој со фамилија, кој веќе си фатил рипче, Лепи не откачи, Сашо и Роберт исто.

Како и да е, ние двајца имавме време и сабајлето му ја зацепавме во 04 накај Глобочица, кај Бучалото. Стигање на местото на злосторот (што би рекол Аки), излеговме од кола уште во темница и не поздрави нешто што јако снажно се движеше под нас во шумичката под патот до езерото. Птица не беше, волк нема шанси, не знам дали беше лисица, ама според снажноста на шумот ќе да беше другарката на Аки -мецана. Охооооо си викам, назад во кола, Филип пали ламборџинито, изброивме до 10, свири друже му викам, он свири, искочивме од кола, почнавме да викаме, забацавме 5-6 камења надоле и пак во кола да почекаме да се подраздени. И се раздени, шо би рекол еден мој тетин забеган рибар, све се плаши од човек, така и ние, излеговме се “изнапуливме“ надоле, викавме уште малку, гледаме ништо не шушнува и страв нестрав се спуштивме надоле по кленко и извадивме воблерите. Двапати фрли па погледни лево десно. Кленко се подаваше, па некако заборавивме на стравот. Фрлај, фрлај, нејќеше да пипне, т.е Филип фати еден клен и ништо друго, јас морав кај мечокот.

Некои два саати фрлавме, кленко нејќеше да чуе, веќе и не рипаше, некако како да го снема. Падна договор да му ја зацепаме накај теснецот. Таму фрливме некој воблер, шибаше некој ветер, некако не не бендисуваше и му ја оправивме за Ташма каде исто ништо не излезе и назад во Охрид, промашен денот.

Дента се слушнавме со домаќинот Лепи, му се изнажаливме како ништо не сме фатиле и како добар домаќин и башка на најавена утакмица и скопско-охридски дуел, немаше каде, мораше да бара начин да не носи на охридско наредниот ден, на 02 август празнично. Така и бидна, Лепи нашол од некој пријател поголем чамец зашто во неговиот тројца ќе сме пропаднеле и во 4.30 ние на езеро.

Мали подготовки на чело со капетан Лепи

Домаќинот како сонар, вози, вози, застанува, тука вика, спуштаме котви,

сега вика кленко ќе скокне да не поздрави, не дорече скок на кленко.......опаааа тука е се развеселивме и почна утакмицата.

Домаќинот веќе со испробана тактика. Додека ние џиткавме воблери, Лепи ја извади тапата од 50 сантими, скакулец и забаци на едно 30 метри од чамецот......и додека ние му се смеевме на тапата, Лепи поведе со 1-0 за охриѓани.
И додека скопската екипа се соземаше од првите 1-0, следеше уште една риба, па уште една и за кратко домаќинот водеше со високи 3 – 0, или ако сакате 3 – 0 – 0. Фрливме и ние на скакулец, ама Лепи му го знаеше марифетот, само кај него удираше, му пушти и некои песни на мобилен, вика “на овие јаде“ и стварно кај него јадеше.

И така сменивме место и отидовме на полувреме.

Честа мораше да се одбрани и почнавме да мењаме тактики, воблери, цикади, отежнување и сл. Кленко беше тука, а ние скопјанишчава не можевме да го фатиме. Лепи закачи уште еден на цикада и веќе беше високи 4- 0. Сепак, Филип го скрши малерот и закачи еден кленко, по што надежите се вратија. Потоа и јас закачив еден, но домаќинот беше немилосрден и не добро не следеше и на неговото конто веќе имаше 5 кленковци.

Кога утакмицата се ближеше до самиот крај, а домашната публика еуфорично скандираше “Лепи“, “Лепи“, “Лепи“, начекавме едно јато, на сцена стапи јапанецот од Ecogear и почна скопска серија. Две фрлања, два кленковци, трето фрлање и трет кленко но се откачи во последен момент и тоа беше крај на надежите на гостите.

Лепи не победи убедливо и како што личи за домаќин.

Бидејќи беше празнично и секој со обврски моравме накај 11 да се враќаме по фамилии и друштва и дури ни пиво не го почастивме победникот.....но, тоа во следната прилика не му бега.

Финален резултат 5 – 3 – 1, целата утакмица може да се проследи на следново видео,


Поздрав до следниот натпревар

Борис е сведок, Лепи призна дека скопјани имаат поголеми
На пример, јас и Борис мочавме седечки, од клупа, а на Лепи мораше да му балансираме, пошо се качуваше горе на страничните клупи и се навалуваше, скоро и да ќе паднеше... Кога не стига, не стига

_________________
Животот е досадното време помеѓу два риболовни излета...

Браво момци, а Лепи, другиот пат како добар домаќин нека попушти,ако сака пак гости да му одат

Никола, имаш едно “т“ вишак во постот

_________________
Животот е досадното време помеѓу два риболовни излета...

Ќе го налутите домаќинот,ќе треба после и за излижани коленици да одговарате со Борис

bravos be lugje super druzba
a lepi ke ima gosti cela letna sezona taka mi izgleda mene
pa neli ohrigjani za to se borat
--lepi ke treba da dobies nekoj subvencii od opstinata za razvoj na ribolovniot i turizmot voopsto

_________________
-------- КоЈ ФаТи ><> ФатЕ - КоЈ Не ФаТЕ <>< Ке ФаТИ ---------
---------Piscator non solum piscatur------------

Bravos za klenovite, a i za voblergiite tapata vise zastare kako model haha milo mi e sto ima se poveke lugje koi lovat na vobler i ja sovladuvaat ovaa tehnika pozdrav do Boris pa zdravje na kozjak da napravime edna voblerijada (Aki ,Boris, Kircask, Saso, kompir) so 2 camci hehe skopska sema

Тортијада, пивтијада, ајваријада, ракијада, пивофест, воблеријада хммммм добро звучи

Sto be bravo.
Eden ohriganec fatil poveke klenovi od dvajca skopjanisca.
Bravo samo za Lepi.

_________________

Uste da go pustat Kozjak pa moze da se napravi eden vikend so spienje.Edna organizacija pa site da gi pokazeme ribarskite vestini,normalno posle kulinarskite.Kakov e periodov,poveke kulinarskite sposobnosti ni se vo prv plan.
bistro