www.ribar.com.mk http://www.ribar.com.mk/forum/ |
|
Крап на 1001 начин... http://www.ribar.com.mk/forum/viewtopic.php?f=56&t=2039 |
Страна 2 oд 2 |
АвторCOLON | kircask [Чет Maј 03, 2012 1:13 am ] |
Наслов на мислењетоCOLON | Re: Крап на 1001 начин... |
Семејна драма: крап со зеленчук By kircas at 2012-05-02 Прекрасно саботно утро, некаде во Скопје. Еден просечен и секојдневен скопјанец тукушто се разбуди и излезе на терасата од својот дом. Погледна кон градот и вдиша од смогот помешан со штотуку послужен бурек. Во истиот момент доби една идеја: да оди на риболов. За миг се виде себеси како стои на брегот од реката, ја држи трската во рака, се затегнува конецот и нешто почнува силно да го влече. Тогаш почувствува дека тој ден ќе има богат улов. Така среќен и инспириран, тргна да се подготвува. Во меѓувреме се разбуди и неговата сопруга и како што стана, во ноќница и жолти папучи, седна да прави план за саботниот ден. Во ниеден дел од планот, не се спомна сопругот да отсуствува од дома. Кога тој милно и радосно и’ пријде и и ја соопшти својата вест, настана општа хаварија, што дури и сосетката се разбуди и излезе на терасата. Паѓаа маси и столчиња, се преврте фотелјата, но жената не попушти. Нема да се оди на риболов и точка! Виде не виде, мажов рече добро и со свиткана опашка зеде да чита весник. Штом се стиша атмосферата, погледна кон бањата, го слушна тушот и бргу летна низ врата со ранецот на грб. Денот продолжи мирно, жената беше на пазар и се врати. Кога и’ стана јасно дека овој ја здувнал, и’ се поврзаа четири жички и две диоди во умот и настана т.н. курцшлус. Во истиот миг, како производ на тоа струјно коло, се сети што најмногу го нервира нејзиниот сопруг, нејзината сестра, секако со трите внучиња. Понесена од одмаздничка умисла, веднаш си покани гости, едвај чекајќи да се врати мажот од риболовење. Тој, кутриот, преплашен од мислата што избегал без прашање, реши да и’ однесе на жената – изненадување. Свежа риба! Си улови килограм и половина крапче, во ранец, на грб и среќно потскокнувајќи кон дома си тргна. Не ни претпоставуваше што го чека таму. Чекореше најбргу што можеше и кога стигна… што ќе види? Полна куќа индијанци, женава негова си седи во фотелјата и ужива во глетката на разрушен стан. Во истиот миг сфати за каква одмазда се работи, брцна во ранецот и рече на глас: „Жено моја! Гледај колкав крап сум ти донел! А ти сега како ќе ни го зготвиш… оф оф!“ Кога слушнаа внуците, и’ се фрлија на тета и ја одвлечкаа во кујна. Жената се најде во небрано, немаше рецепт, немаше намирници, немаше искуство со крапови… што да прави сега? Тогаш настапи мажот и со еден потег побара да му се отстапи место во кујната. „Пази сега“, само и’ рече на сопругата. Го зеде крапот, го исчисти, па го измери и запиша: 1.200 грама. Ја пушти рерната на 250 С°. Зеде 1 голема главица кромид, ја исечка ситно. Потоа исечка 3 големи моркови на крукчиња. Сето ова го запишуваше на ливче. Зеде корен од пашканат и го исечка на коцкички. — Ова е најважниот момент — и’ рече на жената. — Добро внимавај! Зеде бело вино и во чинија го помеша со масло за готвење, посоли со вегета, сол и црн бибер. Во голема тава за печење го стави крапот, а потоа убаво го нареди сечканиот зеленчук околу и врз крапот. На крајот, го прекри со масло и бело вино и му додаде вода за да го покрие крапот до половина. Ја обвитка тавата со алуминиумска фолија и ја стави во рерна. СОСТОЈКИ • 1.200 г исчистен крап • голема главица кромид • 3 големи моркови • 1 средно голем корен од пашканат • масло за готвење, бело вино, сол, црн бибер, вегета Пашканат лат. Pastinaca sativa Вид коренесто растение, кое се користи во исхраната како зеленчук. Изобилува со витамините Ц, Б и Е, скроб и органски киселини. Има карактеристично јак мирис и вкус, кои доаѓаат од етеричното масло со кое изобилува коренот на растението. Се користи за подготовка на супи и чорби, може да се пече или вари. Откако ќе се зготви, пашканатот остава карактеристичен вкус, кој му дава посебен белег на јадењето. При приготвувањето крап со зеленчук, клучниот момент е токму пашканатот. Кога убаво ќе се растопи при готвењето во рерна, ќе го пушти своето најголемо богатство, етеричното масло, низ целата риба и целиот зеленчук. Тоа неминовно ќе го забележите по прекрасната и несекојдневна арома низ вашата кујна. Жената стоеше вчудоневидена и кога мажот и’ го врачи ливчето со рецептот, таа веќе беше во делириум и не знаеше што да му рече. Тој само ја прегрна и и рече: „Ајде да се подружиме со внучињата, на ова ќе му треба час и половина за да се зготви“. И така, семејната драма среќно се заврши. Додека вечераше целото семејство, мажот им раскажуваше што си може да се научи од рибарите и им откри неколку тајни. Јадењето беше превкусно, прсти излижаа сите. Тој само се потсмеваше под мустак, а подоцна и шепна на својата жена: „Следниот пат, одиме заедно на риболов!“ |
АвторCOLON | kircask [Чет Maј 03, 2012 1:17 am ] |
Наслов на мислењетоCOLON | Re: Крап на 1001 начин... |
Пијан крап Ова е рецепт што кај нас е многу популарен и како варијанта за приготвување на ресенскиот крап, но за него треба многу повеќе време за печење By kircas at 2012-05-02 Состојки: исчистен крап од околу 2 кг, неколку чешниња лук, сол, зачинал, 2 дл бело вино, 2 дл сок од домати и малку масло. Приготвување: крапот добро се мачка со сол и со зачинал. Со нож се прават засеци во месото и во нив се ставаат ливчиња лук. Се става во полудлабок сад, се полева со масло, со доматниот сок и со белото вино. Се пече во рерна на 220 Целзиусови степени околу половина час, додека не добие румена боја. Постојано се полева со сокот од домати и вино. Напомена: како прилог додајте салата од компири или печен компир што ќе го печете во сокот што останал од рибата, но треба компирот претходно да се свари пет минути. |
АвторCOLON | kircask [Чет Maј 03, 2012 1:20 am ] |
Наслов на мислењетоCOLON | Re: Крап на 1001 начин... |
КРАП со зеленчук Состојки 1 крап од 2-3 кг 1 кг компири сечени на ситни коцки 3 моркова исто сечени на ситни коцки пола кесичка пченка варена магдонос 2 средни кромида сецкани на ситно 2 дл. бело вино сол и бибер 1 лимон Припрема Крапот се чисти и се засекува одозгора на размак од 4-5 цм.Се посолува и обиберува од сите страни, па и внатре и во браздите се става по 1 кришка лимон.Се премачкува со зејтин. Се става во загреана рерна на 200°за 5-6 мин додека не фати коричка .Се трга од рерната и се додава зеленчукот,веке подготвен на следниот начин. На врел зејтин се пржат компирчињата додека не фатат коричка па во нив се става кромидот, морковот,пченката,сол и бибер и се пропржуваат уште 5-6 мин.Се додава магдоносот на крај.Гарнирот се става во тавата околу крапот и се полива со вино.Се пече уште 20 мин.Се сервира топол.А и ладен не е лош. |
АвторCOLON | kircask [Чет Maј 03, 2012 1:22 am ] |
Наслов на мислењетоCOLON | Re: Крап на 1001 начин... |
Крап во Рерна 1 кгр. риба (крап) 2-3 супени лажици оцет 3-4 супени лажици брашно сол масло црвен пипер 1 китка магданос 2 главици лук Исчистете ја убаво рибата, измијте ја и посолете ја. Измешајте ги добро оцетот, солта, маслото и црвениот пипер. Додадете го магданосот ситно исечкан и двете главички лук исечкани. Сето тоа се става во тава преку рибата, се прелива со малку маслo и се додава вода околу 1-1,5 л. Се пече на 200°С околу 25 минути. |
АвторCOLON | kircask [Чет Maј 03, 2012 1:27 am ] |
Наслов на мислењетоCOLON | Re: Крап на 1001 начин... |
Крап во Рерна 1 кгр. риба (крап) 2-3 супени лажици оцет 3-4 супени лажици брашно сол масло црвен пипер 1 китка магданос 2 главици лук Исчистете ја убаво рибата, измијте ја и посолете ја. Измешајте ги добро оцетот, солта, маслото и црвениот пипер. Додадете го магданосот ситно исечкан и двете главички лук исечкани. Сето тоа се става во тава преку рибата, се прелива со малку маслo и се додава вода околу 1-1,5 л. Се пече на 200°С околу 25 минути. |
АвторCOLON | filip030682 [Чет Jул 05, 2012 11:22 am ] |
Наслов на мислењетоCOLON | Re: Крап на 1001 начин... |
Za mene licno najvkusen e krapot ispecen na skara na plotna.Znaci krapot go seceme na kremenadli debeli edno 1,5-2cm se solat istite se premackuvaa so zejtin i otkako mesoto ke primi sol se pecat.Posle pecenjeto poftorno go sostavuvam po redoslet kako sme gi secele i na kraj go dobiva ova |
АвторCOLON | Stole [Нед Oкт 12, 2014 12:06 pm ] |
Наслов на мислењетоCOLON | Re: Крап на 1001 начин... |
Најдобриот начин, се разбира според мојот вкус: Крап од 8 кгр.САМО ОХРИДСКИ ( поздрав до Лепи) исчистен саглам, го носиш кај професионалци и им велиш: - Сакам да биде САМО ПЕЧЕН. НИКАКВО ПОЛНЕЊЕ НИКАКВИ ДОДАТОЦИ како КРОМИД, МОРКОВ, ЛУК, МАГДОНОС или што ти ја знам нешто друго. Кога јадам риба сакам да ми мириса на риба, а не на кромид или лук. За мирис на кромид направи си маџарски гулаш, а за лук пинџур брате и кркај. Вчера, по повод вториот роденден на внукот. ( За тој кој ми е ветен од ИЦО ќе направам посебна репортажа, сега за сега сум на неговата waiting list. ) |
Страна 2 oд 2 | Часовникот е според Македонско време или според зоната: UTC_OFFSET Etc/GMT-2 |
Powered by phpBB® Forum Software © phpBB Limited https://www.phpbb.com/ |