Инспириран од рецептите за чадење на риби и од убавите слики со кленовите на Лепи решив да ви претставам еден стар Турски традиционален специјалитет кој останал да се готви и кај нас но нажалост се поретко и поретко. Постарите во Прилеп сеуште го спремаат за посни трпези на славите, а среќа што и мајка ми и баба ми знаат добро да го приготвуваат па и јас често уживам во ова јадење. Можеби ви звучи необично како тоа суво грозје и сливи заедно со риба и веројатно се прашувате дали јадењето ќе биди благо - одговорот е ДА, но верувајте ако го пробате еднаш ќе го спремате многу често! Во Прилеп традиционално се нарекува - РИБА НА БЛАГ КРОМИД.
Околу изборот на риба за ова јадење: Според мене најдобра варијанта за риба е онаа која има помалку коски но може да се искористи било која риба. Во Прилеп најчесто го спремаат со Тостолобик поради неговото месо кое природно наблажува, го спремаат секако и Крапот што исто така е одличен за печење. Ние овој пат го направивме со кленови од Козјак уловени неколку дена пред спремањето, пресни и чисти, едноставно совршени !!!
За подготовка на овој специјалитет ви е потребно:
- 1,5кг кромид (во принцип - колку повеќе толку подобро, неможете да претерате);
- риба (во мојот случај Кленови со вкупна тежина од околу 2,3кг);
- 250 грама суво грозје;
- 500 грама суви сливи;
- една лажица црвена пипер;
- масло;
Подготовка:
Најпрво исчистете 1,5кг кромид
![[ img ]](http://i1100.photobucket.com/albums/g409/bage1990/DSC01406_zps50a33b50.jpg)
Потоа издробете го (исецкајте го, немојте да го рендате)
![[ img ]](http://i1100.photobucket.com/albums/g409/bage1990/DSC01407_zps22d1a301.jpg)
Турете вода во кромидот и оставете го да се динста на средно јак оган додека не исчезне водата. Потоа додадете масло (убаво кромидот да може да се пржи, некаде околу 250мл за 1,5кг кромид) и пржете додека малку кромидот не зарумени, но внимавајте да не го препржите. На крајот ставете една мала лажичка сол и една голема лажица црвена пипер и добро промешајте за пиперот убаво да се растопи. Изгаснете го шпоретот и оставете го на ринглата тенџерето со кромидот убаво да прими од црвената пипер.
Тоа би изгледало вака:
![[ img ]](http://i1100.photobucket.com/albums/g409/bage1990/DSC01411_zps43bdf23c.jpg)
Во меѓувреме ставете ги во посебни тенџериња сувите сливи и сувото грозје и на потивок оган оставете ги да набабрат, немојте да ги варите него само обарете ги т.е. само да наварат/набабрат.
![[ img ]](http://i1100.photobucket.com/albums/g409/bage1990/DSC01408_zps21fa4076.jpg)
![[ img ]](http://i1100.photobucket.com/albums/g409/bage1990/DSC01409_zps5791b88b.jpg)
Откако ќе ги обарите сливите и сувото грозје, кромидот истурете го во плех за печење и врз него рамномерно истурете ги сувото грозје и сливите.
![[ img ]](http://i1100.photobucket.com/albums/g409/bage1990/8531c79c-70ce-4c61-add5-7baac7bb3c83_zpsafa52b3f.jpg)
Рибите засечете ги за убаво да примат од сосот и наредете ги во плехот врз претходно припремениот фил од кромид, суво грозје и сливи.
![[ img ]](http://i1100.photobucket.com/albums/g409/bage1990/d189a9aa-abb2-4872-940c-f5e7c0003e60_zpsfde279c1.jpg)
Печете ги во загреана рерна на 220 степени некаде околу еден час (после 30 минути завртете ги од другата страна за да се потпечат).
Резултатот е овај
![[ img ]](http://i1100.photobucket.com/albums/g409/bage1990/f2802346-3147-4154-a1b7-d78d4808bcb8_zps727df161.jpg)
Прекрасно оди со некоја чаша Шардоне,
добар апетит!
П.С.
Поздрав до Мајстор Лепи за инспирацијата
pozdrav uste ednas do gotvacot izgleda mnogu ubavo i ubavo slikovito e objasneto 
![[ img ]](http://www.smiliesuche.de/smileys/grosse/grosse-big-smilies-0692.gif)
