www.ribar.com.mk

Помина една недела од риболовот на мрена , ама никако не ми излегуваше Црна Река од глава. Што друго да се прави освен нова организација, па правец на Црна. Договор падна да одиме јас и alas, старата екипа појачана со Julio кој минатиот пат ни сам не знае колку пати се покаја што не се ослободи од работа за да дојде со нас.
Во саботата вечер не ме фати сон. Договорот беше да тргнеме во 4 часот утрото, а јас не можам да спијам. Причина за мојата несоница беше оваа слика од форумот што Спиро безобразно ми ја плесна пред очи на само неколку часа пред тргнување:


Си викам, ако една ваква фатам, веднаш пакувам трската и со драго срце ќе бидам скараџијата и нема да ме интересира повеќе риболовот за тој ден

Во точно 4 часот alas i Julio беа кај мене дома, товарање мојата опрема и правец Битола, односно Црна Река. По пат не застанавме никаде, за да не губиме време. А и немаше потреба, ни кафе ни се пиеше, ни нешто ни се јадеше , умот ни беше само што побрзо да стигнеме на вода и да фатиме некоја мрена, сестра или брат од таа на Спиро. Немаше да се лутиме и ако ја фатевме истата, нели рибата нема меморија?
Стигнавме на Црна пред 6 часот утрото. Времето беше ведро и ладно, имаше и слана, а водата испаруваше ... одма душата ни се наполни од глетката што не пречека таму. Навистина преубава природа, можеби сум досаден што редовно го потенцирам ова, ама не можам да го прескокнам тој епитет за тој дел од Црна Река.
Бидеќи ја извадивме опремата и веднаш и нестрпливо се упативме на местата за риболов, немавме време да направиме некое фото од пределите. Се надевам дека нема да ми замерите доколку се послужам со некои фотографии направени пред 2-3 недели, колку да ви го доловам амбиентот, а и да го пофалам фотографот alas кој тогаш во недостаток на риболовна мотивација се занимаваше со апаратот
Еве зошто секогаш сум воодушевен од Црна Река











И една моја слика од самиот ден на риболовот во неделата:


Стигнавме на местото кое го имавме зацртано за почеток на риболовот уште еден ден претходно .
Во почеток за мамец користевме ... нормално тоа што минатиот пат не го сакавме, ама после првата извадена риба веднаш го засакавме како мамец, дождовни црви


Риболовот може да почне. Тројцата застанавме на еден исти, да го наречам полубрзак, и полни со самодоверба чекаме удар на мрена. Но овој риболовен ден не беше како минатиот. Помина повеќе од еден час, а од мрената нема ништо.
Решивме да смениме мамец и да ловиме на леб со обилна прихрана. Резултатот веднаш беше тука. Alas извади една добра мрена колку да ни ја покачи мотивацијата, зошто ние не бевме со намера да чекаме удар, ние од дома психички се спремивме како да ќе ни јаде на секоја рака
Не помина долго време и Alas извади уште една убава мрена.
Е сега веќе може да се направи некое фото






Се вративме пак на риболовот. Alas извади уште две риби, плус една му откачи додека ме чекаше мене да одам и да го снимам, па настапи пак затишје. Немаше резултат ниту прихраната, ниту на леб, ниту на црв. Едноставно како да ја снема рибата, која се активира само на 10 минути за колку што Alas доби 3 удари.
Решивме да менуваме локација. Alas и Julio отидоа на една страна, а јас на друга.
Јас само што стигнав на новото место и таму го среќавам Жаре од ЗСР Барбус, концесионерот на тој дел од Црна Река. Одлично, си поприкажавме малку и си фатив позиција веднаш до него. Сеуште немав ни длабочина наместено, фрлив прихрана, наместив од прилика длабочина и веднаш удар ... клен од околу 500 грама.
Ам јас не сакам клен . Во Струга има клен колку ми душа сака, овде сум дошол по мрена.
Фрлам уште еднаш и пак удар. Уште еден клен од околу 1 кг.
Не сум сигурен дали фрлив уште еднаш или два пати и .... мрена и тоа убава од околу 1 кг.
Жаре веднаш пристигна да ми помогне со кепчето и рибата е веќе во чуварка
Без да претерам, фрлив 4-5 пати и извадив 3 риби, а потоа пак мртвило. Како да исчезна целата риба. Ловев повеќе од два часа, менував локации надолу - нагоре по брзакот, но бадијала.
После два часа пристигнаа Alas и Julio. Alas извадил уште 2 мрени, а Julio сеуште ништо. Решивме да одмориме од риболовот и да си направиме колбаси на жар. Ги спремивме колбасите на стапчиња


запаливме оган


А додека чекавме да се направи жар наздравивме со по една ракиичка.
Еве го alas, мајсторот за тој ден. Што е за право имаше среќа, ама нека му биде


... и Julio


После одличниот ручек, кој со посебно задоволство го спреми Julio


... се знае, повторно трските во раце и на вода.
Не поминуваат ни пет минути, а Alas повторно има мрена на јадица. После контрата рибата почна да му бега низводно, избега некои 20-30 метри без да успее да ја застане, за да ја застане некако и го закочи амортизерот и ... му скина. Абе единичар, што да ви кажувам
Не поминаа 5 минути, повторно удар кај него и уште едно кинење. Најверојатно не ја наштелувал машинката како што треба после првото кинење. Така е кога бегаше од часови лани и сега не може да фати ред
После двете кинења се поправи, извади уште 2-3 мрени за половина час. Тој има кинења плус си вади риби, а кај нас ништо . Променив и јас позиција, застанав на поплитко место и ... удар на мрена. После одлична борба што ми ја пружи, мрената е извадена и за чудо во неа имаше уште една јадица. Ај што имаше јадица, туку таа беше јадицата од alas . Мрената што му скина него пред половина час сега ја фатив јас . Абе убаво реков дека е единичар, ама не ме верува тој
Еве некоја слика и од мене




Не помина долго време, пак alas вади риба. Таман ја донесе до него и да ја фати со рака ... се скрши врвот од трската, инаку TICA ARES 6mt. По вадењето на рибата само не праша нас „врвот е или друг дел, не сакам да гледам“
После еден час од кршењето на трската и извадени уште 2-3 риби, дојде време да го сумираме резултатот од риболовот. Не успеавме да фатиме капиталец како тој од Спиро, но сепак имавме добар и исполнет риболовен ден.


Alas со неговиот улов:


А овде кој е единичарот?


Од сите риби беа земени 2 мрени, а остатокот го вративме таму каде што му е местото - во Црна Река, за да може реката и во наредните риболови да ни биде наш добар домаќин



Бистро до следниот риболов.

_________________
„Земјата не ни е дадена во наследство од нашите предци,
туку ни е позајмена да ја чуваме за идните поколенија“

Abe ovde full bilo so mreni be xaxaxa
Odlichna reportaza I mnogu ubava priroda.
Odma posakav da idam
Pozzz I bistro!

_________________
TAPATTA JA LECHI DUSHATTA
mrtva dae-od reka dae!

Браво Емил, браво за целата екипа
Него, ме интересира што дебелина на конец ви кинеа мрените.
Поздрав

_________________
---> ИмАмЕ цРвИ, АуТотО нИ ШибА, дЕнЕс СитЕ оДиМе дА ЛоВИмЕ РибА <---
Мувата е НајМакедонскиот инсект! Ем јаде л@јна, ем трие раце во стилот „ добро е, добро е !!! “...

Постои само една солуција - РЕВОЛУЦИЈА !!!

Не сум сигурен, мислам 0,14мм, alas ќе ти кажи точно утре кога ќе се уклучи.

_________________
„Земјата не ни е дадена во наследство од нашите предци,
туку ни е позајмена да ја чуваме за идните поколенија“

Emil naredna godina pustaj se po vardar na mrena

_________________
koj si znae ke si vadi
sto e tvoe ke si dojde
sjashi kurto da uzjase murto

Ubavo im go fativte redot na Mrenite , taka i treba denot na ribolov da bide ispolnet so akcija .
Pozdrav do celata ..EKIPA..

_________________
Reporter of the Jear- 2012-,-13-,-14-,

Fishing is my lifestyle,my passion,my life.

bravo decki

Jas samo ke ti napisam deka pak ke odis......

_________________

Браво Емиле Си напраил мерак голем. риби , ден...

Tubertini gorilla verde 0,16-glaven konec
Tubertini gorilla verde 0,14-podvez
Sto mislev ne e za potcenuvanje.