Кривични пријави за тројца рибокрадци на Охридско езеро

Кривични пријави за тројца рибокрадци на Охридско езеро

Три лица заработија кривични пријави поради незаконит риблолов во водите на Охридското Езеро.

Лицата С.С. (54) од Охрид, А.С. (62) од Пештани и Ѓ.К. (64) од Љубаништа, на 9 јануари годинава биле пријавени дека вршат незаконит рибилов во езерото, на потегот кај месноста Лагадин.

Според полициското соопштение, тие биле затекнати од страна на полициски службеници при обид бесправниот улов да го пренесат во хотелско-угостителски објект, инаку сопственост на пријавениот С.С. Кај нив биле пронајдени шеесет и седум парчиња охридска пастрмка, белвица и друга разновидна риба.

По насоки од Јавен обвинител, за случајот биле известени судија на претходна постапка, како и Државен инспектор за земјоделство од областа на рибарството и аквакултурата, по што бил извршен увид на местото на настанот, како и претрес во хотелот сопственост на пријавениот С.С. Уловената риба и риболовниот алат се запленети.

Прегледано 1138 пати

ПРИЈАТЕЛИ

Bistro logo  spin fly     Untitled    pastrmka  bistroinspekcija